Participating partners:


    gham shayari

  • Prabal Pushpendra Dwivedi
    Prabal Pushpendra Dwivedi
    • Posted on June 9
    gham shayari
    kuch aisa hai jo zinda hone ka ehsaas banaye rakhta hai , jism me simti roohon tak tera lams jagaye rakhta hai #gul #shair
    yahi to ek gunaah hai , ki tujhse ab bhi ishq bepanaah hai #gul #shair
    ek balaa ki sadgi thi usme, jis par meri tamaam mehfil e ranaaiyaan fanaah huyee #gul #shair
    jab kabhi tanhaaiyon me guftagu e sumaar hoti hain, arzooyen bhari hain dum wisaal e yaar ki hi justaju e tamaam hoti hain #gul #shair
    jigar foonk ke nikal aya hoon , mai apne armano ko jalte gharodon me chhod aya hoon #gul #shair
    ab zindagi me wo lutf na raha, tu na raha teri arzoo e justaju na rahi #gul #shair
    itne shareef to nahi the wo ki yun hi alvida kahte , mamla mubtala e gham ka tha kaise dushmani na pukhta karte #gul #shair
    chalo such to qaboola akhir . haq jataate ho jis par us dil ke armaan bhi ab tumhare nahi hai #gul #shair
    logon ke zakhm ek jaise the aah ka fuwaan ek jaisa tha , fir bhi sabke apne apne fashaane the sabka apna apna tarana tha #gul #shair
    waqt bhar deta hai har zakhm marham bankar , bas kuch jazbaat e maraasim siskte aaj bhi hain #gul #shair
    kuch lafz hain jo dil tak asar kar jaate hain , waise dard ka roohon se koi talluq nahi hota #gul #shair
    janaaze laakh nikle ho jismon ke , kabron ki dabee roohon me garmahat aaj bhi hai #gul #shair
    unke shaher me aaj chaand jaga hai sari raat , humne bhi shab e firaaq ki tafari me apni ankhon ko sone na diya #gul #shair
    mohabbat me sanjeedagi ke zamaane bisar jaaiye , zauq e ashiquie ke daur me kya kisi ka naam yaad rahta hai #gul #shair
    saaton din karobar e ishq me khudhe rehna , rozgaar e ishq me bhi ek itwaar hona chahiye #gul #shair
    Guest likes 1
    Post Comments Now
    Comments