Participating partners:


    THIRD EYE

  • R.K Dixit   Journalist
    R.K Dixit Journalist
    • Posted on August 15, 2016
    THIRD EYE
    Lucknow Uttar Pradesh Ki Capital Hai. Lucknow Ki Tahzib Poori Duniya Me Mashhoor Hai.Yahan Ka PAHLE AAP, PAHLE AAP, Behad Lokpriy Hai. Lucknow Ke Rahne Walon Me Ek Khaas Tarah Ki Nazakt Hai.Bolenge Itne Pyaar Se Ki Aapka Dil Jeet Lenge. Lucknow Ka Pahnaava Bhi Bahar Ke Logon Ko Bahut Pasand Hai. Lucknow Ki Chaat, Gol Gappe Bhi Bahut Chatpate Hote Hain. Chaat Me Paani Ke Batashe Khaane Waale, Bataashe Khaane Ke Baad, Jaljeere Ka Paani, Alag se Lekar, Pina Nahi Bhoolte Hain.Lucknow ki Biryaani Ka Apna Alag Maza Hai. Chouk Ki Lassi Pine Ke Liye Custmer Line Lagaye Rahte Hain. Lucknow Ke Paan Ki Apni Alag Shaan Hai.Paan Saada Ya Meetha Ya Tambaku Wala, Sabki Pasand Apni Alag Alag Hoti Hai.
    Lucknow Me Ghoomne Ke Liye Behad Pasandeeda Jagahe Hain.Lucknow Ka Chhota Immabada, Bada Immabada, Sikandar Bagh, Residency, Shahid Smarak Aur Bachhon Ke Liye Chidiyaghar Bahut Hi Attractive Hain.Lucknow Ki Ganjing Ke Kya Kahne Hain. Lucknow Ke Hazaratganj Me Ghoomne Ka Apna Ek Alag Nashaa Hota Hai. Isiliye Isko GANJING Kahte Hain. Lucknow Me Behad Achhe Parks Hain, Jo Aapka Dil Mohit Kar Lenge. Lucknow Me Kai 3 Star, 5 Star Hotels Bhi Hain, Jinki Apni Alag Shaan Hai. Lucknow Me Best Aur Renowned News Papers Ka Prakashan Bhi Hota Hai, Jinki Lucknow Janta Ke Har Ghar Me Pahunch Hai.Log Savere News Paper Padhna Kabhi Bhi Nahi Bhoolte Hai. Dainik Jagran Atydhik Lokpriya Akhbaar Hai, Jo Ghar Ghar Pahunchta Hai Aur Poore Hindustan Ki Kai States Se Iska Prakashan Bhi Hota Hai. Lucknow Me Metro Ka Kaam Bhi Badi Teji Se Chal Raha Hai Jiske 01 Ya 02 Years Me Poora Hone Ki Sambhavna Hai.Lucknow SHAAN Hai, Meri JAAN Hai. Lucknow Zaroor Ghoomiye Lekin Dil Lagakar Ghoomiye, Dekhiye To Bada Maza Aayega.
    1 People like this
    Post Comments Now
    Comments (1)